因為晚上要做天疚療程, 而沈醫師講過如有身孕是不能做的. 推算經期應該還有幾天就到, 所以早上起床後便用排卵條及驗孕棒驗小便, 以確保沒有懷孕, 安心晚上做天疚啦.
我沒有眼花嘛? 兩條棒棒都呈現雙線? 洛醫生不是話我有卵巢多囊症, 沒有排卵, 要食排卵藥才可能有機會懷孕嗎? 我尚未開始食藥喎! 即刻講俾老公知, 佢當然都係同我一樣反應, 抱有懷疑的態度啦! 怎麼辦? 我星期日要飛溫哥華呀! 老公話不如當沒有事發生過, 由溫哥華飛返香港後先算啦! 但是, 如果真是懷孕, 萬一身體出現了什麼事, 就很麻煩了!
返到公司, 向相熟的同事求助. 她建議我立即找婦科醫生去抽血, 以確定是否懷孕. 打了兩個電話到公司附近的婦科, 都話抽血最快要2日先知結果, 不能在我起飛前確知. 把心一橫, 打去養和, 鄧姑娘話如果洛醫生肯寫紙俾我驗血, 最快明早就知結果, 不過洛醫生要11:30am先返到醫院, 唯有等鄧姑娘再打電話俾我confirm啦.
12點幾, 鄧姑娘打來話我可以過去醫院抽血, 但因為老細約左食lunch, 唯有食完先過去啦. 去到醫院已經3pm, 護士話今日應該冇可能send到份report俾洛醫生, 要等明早了.
到6點幾, 收到洛醫生親自來電, 佢一開口就恭喜我, 我都仲係半信半疑, 真的是懷孕? 洛醫生話: 係呀, 驗血結果係positive呀! 佢話我因為經期不準, 所以都未能確定胚胎有幾大, 不過應該是初期, 大約4星期. 佢話明早鄧姑娘會打電話俾我, 約兩星期後返去做檢查.
收了線, 我第一時間就同老細講我有左, 等佢在工作上配合嘛. 老細都建議我唔好飛, 因為今次只得我一個人, 行李咁重, 邊個幫我拎? 既然係咁, 我唯有取消下星期放假, 淨係放中秋個星期啦.
返到家中, 老公話佢成日都心緒不靈, 我自己都係啦, 今次完全是有計劃中的意外, 本來已經打定輸數, 諗住食3個cycle排卵藥都不能懷孕, 出年就會做ivf, 而家竟然突然間什麼都未做就有左, 一時間都好難接受. 同老公商量過後, 都決定我唔應該飛. 咁夜d打電話俾牛哥哥同佢講啦.
牛哥哥聽到當然都係很愕然啦. 佢話牛媽媽而家應該出左去游水, 我唯有瞓醒再打電話俾牛媽媽.
就這樣, 開始了大肚婆的日子...
沒有留言:
張貼留言